Dalmacija moja inspiracija

Tamo nidi polovicon prosinca zove me čer i kaže za Božič ste naši gosti ja pravin obid za četrnajst peršona doče i zetova familija. Kažen ja maloj, ma daj mala...a veča je o mene...u drugome si stanju ka i nevista...daj da ti ja dan malo ruke.

Ništa pape eto van unuci pa guštajte kad bude vrime rizanja mesa onda poviri u kužinu. A meni je mrsko da se moran igrat sa unucima.

Svitu moj meni je ovo po guštu kuča puna svita dica trčidu okolo ispadaju in oči od poklona. A cila ova ekipa je prava mišanca od judi i zanimanja.

Zetova mater i njezin životni saputnik su umjetnici. Sin se bavi interneton ne samo dasurfa več daje posal dvanajstorici programera.

Nevista je režiser u teatru. Supruga je u mirovini dosta jon je bilo komercijale.

A ja san hebi vitar malo posal, malo spiza, malo ništa, malo blogiranje, malo vino, malo vrtal, opet malo ništa i tako sva nanovo.

E sad moran pofalit našu čer napravila je lipu mišancu od spize. Malo je namignila na Mediteran, Dalmaciju, pa  malo slobodne inpresije, diko koja Olandska batuda, lipo tako i mirita kad su mišani brakovi u điru.Nakon predjela di je bilo Parma pršuta pa onda marinirane balancene sa italijanskin siron doša je red na glavno jelo. Veprovina nadivena sa suvican, šljivan, pinjolima...

a za poklon je svima dala jednu šesnu košaricu sa slakin delicijama morete je vidit na njezinu blogu...ma evo van blog

Sve lipo marinirano jedno dva tri dana. Uz kolače, koje je čer pravila, gušt je bija poist slako od dunje uvajano u cukar.

Eto svitu moj, bilo je lipo, dica su guštala a mi smo malo čakulali jili, pili i vodili zanimjive razgovore.Život gre daje triba čekat promaliče da se potomci priduplaju...biče smija...

ajde povirite malo i na culinary croatia...

konacno je i ova arivala sinoc nan je bilo lipo...bili smo kod cere zeta i dvoje nasih unuka...malo se jilo i pilo bilo je smija i festanja...da ste mi dobro i bericetno...evo van malo inpresije...litrati su litrani sa balkona u den haag-u sa pogledom prima scheveningen-u...pozdrav iz nizozemske...

ajde povirite malo i na culinary croatia

kad san sa mojin konpom N.T. krajen sedandeseti i tijekom osandeseti godin oneg vika u NL ima konobu nisan ni moga zamislit da ču ovaku konobu imat doma u ovo današnje vrime kad se manje lavura a više gušta...bili smo mladi i koje mislija na to...ali vrime čini svoje...dugo je godin prošlo i sve ča je bilo odnešeno u NL za dekoriranje se vratilo nazad u dalmaciju...evo van malo litrati da vidite ča je doli deboto tri metra pod zemjom...ovod se pravi vino feštaje se oli se prolista koja knjiga o vinima...cili je život u nikoliko kvadrata...povirite ima se ča vidit...dalmacija vas zove...i nek van ovi blagdani budu po voji i guštu...

ajde povirite malo i na culinary croatia